إنتِ قَدها ♥


بسم الله الرحمن الرحيم ..
السلآم عليكم ورحمة الله وبركاته =)
………………………………. تحية طَيبة ، وَجمعة مباركة ♥

* ملاحظتنا المتكررة .. حقوق الصورة محفوظة لمصورتنا   =)))
أسبوعي القادم مشحوون ..بدرجة كبيرة ، من السبت للأربعاء اختبارات للمواد العلمية ” انقلش ، رياضيات ، فيزيا ، احياء ، والله يستر اذا فيه كيميا بعد !!!  …”
كنت كله اسمع البنات يتحلطمون وافف وافف .. وشبنسوي وو .. وانا اطنش وأقول أنه سهل مرره =)
و كل ماحسيت اني بتحطم اقول لعقلي الباطن ” انا إيجابية .. إيجابية  .. هذي مو افكاري .. هذي مو بيان .. أسبوعي مرره بيكون سهل .. انا ثاني علمي ومابتحطم من البداية على اشياء سهله
والحمد لله .. إلى الان الامور طيبة =)
اذن خطتي هي  \  

1- انا إيجابية وبنجح

لآ تخلين أحد – أي أحد – انه يخرب خططك ، مزاجك ، روحك المتفائلة .. حاولي دائماً انك تبعدين  نفسك عن هذي الافكار الوسواسية ..
أنتِ قدهــا ، و دائماً قدها .. رتبي خططك ، سوي اللي عليك .. خلك متفائلة … عطي ننفسك شحنات إيجابية .. و توكلي على الله وكل الامور بتكون طيبة =)
الصعب هو ما يمكن فعله حالا، أما المستحيل فهو ما يأخذ وقتا أطول بعض الشيء
* تقول أختي : والممكن هو مافعلناه في الماضي :))
مافي شي صعب .. مافي شي مستحيل .. مافي شي ممكن يحطمك !

عندما تجد ان الظروف كلها ضدك يجب أن تتذكر أن الطائرة عندما تصعد يجب أن تكون ضد الريح
* أنيس منصور .

2- نفسيتك … هي السر :)

صدقيني حتى لو كنتِ مذاكرة مرررره .. وحافظة مررره .. وكانت نفسيتكِ X .. و كنتِ حاسه انك بتخربطين وانه صعب .. مابتنجزين شي !
There is only one thing that makes a dream impossible to achieve: the fear of failure
*Pulo Coelho
( الشيء الوحيد الذي يجعل تحقيق الأحلام مستحيل … الخوف من الفشل !    * باولو كويلو )
عقلك الباطن هو الســر … خليه متفائل خليه يركز ع الاشياء الحلوة .. وسبحان الله بتشوفين ان كل شي صار حلو .. =)
حطي ببالك قانون الجذب دائمــاً …
وكرري كلمات إنتِ تحبينها .. تحفزك للأفضل =)

3- انتِ اللي تختارين أسلوبك

ذاكري وانتِ مبسوطه ، وانتِ رايقة .. ذاكري بالطريقة اللي تحبين ، في المكان اللي تحبين .. في الوقت اللي تحبين
حابة تذاكرين من ورا لقدام .. أوكي ..
بتذاكرين فوق السطح .. مافي مشكلة !   * بس ترا بررد  P:
بتذاكرين الساعه 3 .. تم =)
تحبين تسمعين شي وانتِ تذاكرين ، تاكلين ، تستخدمين الالوان .. الخرائط الذهنية . .تلخصين … كله مسموح :)

4- لآنكِ قدهــا .. بتنجحين =)

لآنكِ قدها ♥

العبارات لها مفعول كبيــــــــــــر في نفسية الانسان .. حاولي تبتعين عن أي عبارة تحمل اي ذرة سلبية
خلي كلامك يشع ايجابية .. علقي عبارات حلوة في كل مكان .. اقتباسات تخليك مبسوطه .. اخترعي كلمات .. اي شي .. :)
كل شي سهل ، وبسيط ، ولطيف …، وحلو .. وانتِ قده ♥
اذكر العام كان اختبارنا النهائي ” تاريخ ، و بلاغة ” وكنت ماافضل هالمادتين اببد .. وقبلها بيوم كان عندي موعد في المستشفى ، وكنت مره احاتي متى بذاكر
فلما كنت في المستشفى سألتني الدكتورة : ايش عليك بكرة  ؟
قلت لها : تاريخ و بلاغة
قالت : اوووه ! عاد ثقيلين دم .. سهلين ؟
قلت : البلاغة مره خفيف .. والتاريخ سهل ولطيف
ضحكت لما قلت هالجملة ..  طلعت عفوية .. وصرت كله اكررها .. البلاغة مره خفيف .. والتاريخ سهل ولطيف .. =)
والحمد لله كانوا خفيفين ولطيفين :]
* ملاحظة : عقلك الباطن رغم ذاكائه لكن  احياناً  مايفكر ..
يعني لو قلتِ لنفسك ” ما بنسى هالشي ” العقل الباطن مايستخدم حروف النهي .. يستقبل الجملة كـ ” بنسى هالشي
مثلاً ” مابخطأ ”  يفهمها “ بخطأ ”          … فحاولي تبتعدين عن عبارات النفي .. وخليك دائماً مثبته للكلام
بدل “ مابنسى ” استخدمي “ بتذكر
بدل ” مابفشل ” استخدمي ” بنجح ” وهكذا =)

5- حددي هدف !

اختاري هدفك وحدديه ” هالسنه بجيب 100% “ كرريه  ، لا تنسينه .. حطيه ببالك دائمــاً .. خلي عقلك الباطن يركز عليه .. عشان يتحقق
مايمشي الانسان بدون هدف .. خطأ تقولين ” اذا خلصت ثنوي بقرر ” بس انتِ اساساً لبيش تذاكرين ليش تجيبين نسبه .. ؟؟ ماينفع كله بعدين بعدين
حددي هدفك .. اسعي له .. ابي اصير دكتورة اسنان .. من الان ابحث في تخصصاته ، مجالاته ، وين ممكن ادرسه .. احطه ببالي ، واكون متيقنه اني بعد  ، 7 ، 6 ، 5 سنين بكون واصله له .. بكون د.بيان =)
حددي هدفك = تحققينه ♥

…..

ولآني قدهــا .. مضطرة أروح أكمل مذاكرتي .. عشان اخذ فل مارك  =))
ماينفع قانون الجذب بدون الأسباب صح ؟ ^.*
بس وانا كنت اذاكر .. فجأة أشتهيت اكتب واشجع الأخرين … عشان أتشجع أكثر ♥

ربي يسهل عليكم ، ويسعدكم ويوفقكم =) ♥

* دعواتكم =)

15 thoughts on “إنتِ قَدها ♥

  1. Bayan :

    كلمآت بصرآحه تشجع آلوآحد يذآكر و ينجح و مآيخآف من آلفششل .. ^^

    صحيح بتعآونآ و بتشجيعنآ لـ بعض كل شي بيتحقق لأن كل وحده تسآعد آلثآنيه بآلي تقدر

    عليه و تفهم فيه ^_^

    حيوو بيووون ^^ شكرا شكرا كثير ( كلامك كنت احتاجه حيل )

  2. الأمل هو الشي الوحيد الذي لايمكن تركنآ طالما نحن لانتتركه
    فهو يبقى بجآنبآ وتبقى الامنيآت والتفآؤل تصطحبنآ

  3. بيااااااااااااان انتيي خطيييره .. يالله اثرر في نااس بوووزييتف ..

    انا داايم احااول اصير بووزيتف .. << فالأغلب تنجح .. وفي نفس الوقت .. في الأغلب تفشل << شلون مادري ..
    المهم انك حييل بياان رفعتي من معنوياتي ومن معنوياات اي بينت راح تقراا .. بتأكييد ..=) ثااانكس الووت الوووت
    وكل ماايصير لي ايي شي .. ناك مي داون آي ويل نات ستااي ان ذاا قرااوند .. بجي وبقرا هالصفحه آآقين وآآقيين

    • هلووو .. حَسون صح ؟؟
      أعرفك يابت XD

      هههههههه اي في واجد .. كل هالعلماء والعظماء ، والإنبياء كانوا بوزتف :]
      ودااائماً كوني بوزتف .. وبتنجح صدقيني بطريقة ماا :]
      3> والله مررره فرحني كومنتش .. 3> 3> شكرااً مررره :]
      ولووو … ماسويت شي 3>
      ومره ثانيه مررره فرحتيني .. وحيااك الله .. وبتنور الصففحة كل مره تقرأينها .. مره حسيتني سويت شي حلو لأحد 3> شكرراً
      نورتِ :]

  4. الله !!
    كلامكــ رووووعــة ياقلبي
    أنا زيكـ هالأيام مضغووطة كثير لكـن كلامك شجعني عن جد
    التفكير بإيجابية يعطيكـ شعور بأن الشيء مهما كان صعب بيسهل في النهاية بإذن الله
    والأحلى إذا كانت البيئة إلي حاولينكـ مليئة بالإيجابية <<شيء جميل

    تدوينة أكثر من رااااائــعة ياجميلة

    لا حرمنا الله قلمك :)

    دمتي مبدعة

    << اشتقتلكـ كثيير ^^

    • صَديقتي الحلوة مشاعل ♥ نورتي يا حلوة .. مره اشتقت لك :]
      انتِ الاروع والله =)
      ايه ، الحمد لله ” إن بعد العسر يسراً ” ..
      وأكييد حلو تكون البيئة إيجابية .. لآن المحيط والبيئة مرره تأثر على نفسية الفرد ♥♥
      كل ماشجعوا بعض اكثر .. نجحوا مع بعض أكثر ♥

      والله فرحتيني .. وفرحني مروركِ الحلو .. نورتي مرره ثانيه ..
      دمتِ مختلفة يَــا عذبة :]
      أنا اشتقت لك اكثر ♥.♥

  5. وع ـليكم السلام ورحمَة الله وبركاته ،،

    ما نثَرته يا بيَان ، رائع جداً =]
    أحببتُ التفكير الإيجابي جداً .،
    يمكنكِ تسميته بالقناعات أيضاً ..
    كثيراً ما تحدث معي ،،
    فإن أردتُ ألقاء مقال مثلاً .،
    وأنا أشعر بضياع الأحرف داخل حنجرتي من الرهبة ،
    أحدّث نفسي بأنني أستطيع أمام الناس كما أستطيع أمام المرآة =$
    في آخر لحظة قبل الإلقاء يأتيني شعور 1% خوف من الفشل والتردد ..
    فأفشل حقاً ..!
    يجب أن نكون مقتنعين بالكامل ^.^

    اقتباساتكِ جميلة ، واللقطة أحبَبتها ..
    لديكِ ذوق مميز في انتقاء الزوايا واللقطات =)

    فتحَ الله عليكِ فتُوح العارفِين ، ولا عدمناكِ .،
    سلمتِ ، ودمتِ بحفظ ربي ..
    تح ـيتي ~

    • أهلاً بـنبضنــا الجَميلة ♥
      نعم فَـتفكيرنا قناعة =)
      هههه .. أتَمنى أن تَكون الأمور التَي نَفعلها أمَـامَ النـاس هِي ذاتها بل أفضل مما نَفعله أمام المرآة ♥
      > مرآتنا شهدت الكثـــييير مِن الإبداعات .. صَدقيني :D

      لِكنكِ لن تَفشلِي مَجدداً … ، وإنْي أشكُ فِي أنَكِ فَشلتِ أسَــاساُ بَل إنْكِ نَجحتِ بطريقة مختللفة =))
      شكَــراً لكِ يَـا جَميلة ♥♥

      ♥ أسعدتني دعواتكِ ، أسعدكِ الله وحقق منــاكِ ♥
      دامتْ روحكِ النيّــرة :]
      نورتِ ♥

    • هههههههههه .. بالضبط !!
      إنها مِن تَصويرْ صَديقَتي المقربة ♥♥
      سَترين الكَثيــر مِن صورها هنا ، فأختكِ في الله ( أنا ) لآ نظرة فنية لها في التصوير .. للأسف =$

      ليس عليكِ ذلك ، فإنِي أفرح لمديحكِ لـها .. فهي أنــا ، وانَـأ هِي :)) ♥

    • شحلييلك زهوور مالفت إنتباهك إلا هذا ؟؟ =))
      لآنه ماكان يعرض بالطريقة الصح =) ، كان يعرض بشكل ممل و رتيب زي كل مناهجنا ..
      مع إنه فن جميــل ، وممتع ، وبليغ .. ويضفي للكلام رونق مميز :]
      أهللن فيكِ :]

  6. ههههههههههههههه..

    لا بالعكــس مو بس هذا لفت انتباهي
    بس لأني كنت مسرعة وما كنت بعلق اصـلا
    بس اني ما أرضــى على البـلاغــة ، كنت أحبه جــداً

    نجي الحين حق بــاقي الكلام..
    طبعــاً كله صحيح 100% وإبــداع مثل ما عودتينا
    مــوفقــة..
    :)

ساهِم في التغيير ، أترك لي ردًا ♥

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s