أنــا إيجابية .. وانت ؟؟ (1)


بسم الله الرحمن الرحيم ،
سلآم الله عليكم ورحمته وبركاته
……………………………………. تَدوينة اليوم غَير شوي ،
اليوم بتكلم عن الوضع اللي حواليني هالأيــام ، أو بالأحرى ” دائمـــاً !!

الناس صايرة سلبية بشكل مفجع
دائمــاَ تكتب انها حزينة ، مظلومة ، متألمة ، وحيدة ، الدنيا مسكرة بوجهها ، ..ومن الكلام الفاضي اللي مالهوش لزمة ..،

بصراحه اكره حياة هالناس .. اتخيل نفسي طول الوقت اردد هالكلام ، احس ما لحياتهم هدف !!

احس الناس صارت تغمض عيونها عن النعم اللي الله رازقها ااياها .. ماتحس انها عايشة بنعمة واجد يحسدونها عليها ،
بحثت عن شوية معلومات  من موقع احصائي ” مع العلم ان الـأعداد في ازدياد في كل ثانية ” .. تبين مدى النعمة اللي احنا عايشين فيها ،


  • 1,026,682,438 شخص في العالم يعيشون سوء تغذية
  • 25,164 شخص توفوا بسبب الجوع  ” خلآل اليوم بس !!”
  • 1,399,766,990 عدد الأشخاص الذين لا يمكنهم الحصول على ماء صحي للشرب
  • 8.059.095 الوفيات بسبب أمراض معدية هذا العام
  • 6.588.850 وفيات الأطفال في عمر أقل من 5 سنوات هذا العام
  • 31.882.531 عدد المصابين بمرض الايدز
  • 4.536.905 وفيات مرض السرطان


….،
لو فكرنا للحظات بالنعم اللي احنا نملكها ” خلآل قراءتك لكتابتي ”

1- تقدر تشوف الشاشة قدامك .. يعني الحمد لله عيونك سليمه
2- تقدر تقرأ .. يعني الحمد لله قدر تتعلم
3- تستخدم الانترنت .. يعني الحمد لله انت مطلع ع التكنولوجيا .. و قاعد تستخدمها
4- عندك كهرباء ..
5- تتنفس هواء نقي
6- غالباً قاعد ببيتكم .. عندك بيت ومأوى
7- ممكن انك جايع الحين وقاعد تاكل
8- وقاعد تستوعب شنو قاعده اكتب .. معناها الحمد لله عقلك يشتغل
………………………………………………………………………ولو اقعد اعدد مااخلص :)


شفتوا شلون احنا ” نجحد بالنعم ؟
والله شي مؤسف ، ونفكر بسلبيه ” وليش الله سوا كذا ؟ .. واعتراض وحاله :(
وننسى أن الله ابتلى أنبياءه بأكثر من كذا .. ومازادهم هذا الا ايمان .. واحنا شوية ألم .. قلبنا الدنيا ماقعدناها !!
….
خلونا نفكر بإيجابية ، نحمد الله ع النعم .. نطبق كلآمـه عز وجل

* الخطوة الاولى ..

نحمد الله على نعمــه في كل حال ،
قبل مانعترض على اي شي يصير .. نفكر الله سبحانه كتب كل شي لحكمة .. مو ضروري تعرفها الحين ،
الله سبحانه بيجازيك على ابتلاءك في الدنيــا  والاخرة … وربما أجل أجرك للأخره فأفرح ، ففي الآخرة أجر أكبر ،
يقول الله سبحانه وتعالي في الحديث القدسي “ انا عند ظن عبدي بي
خلونا نحسن الظن بالله ، عندها بنستشعر حسن الله لنا :)
و نذكر الله دائمــاً ليحفظنا من كل سوء ،
هذي بس خطوة أولى في فكرة “ خلونا نعيش بإيجابية

…………………………………………………..وللحديث تتمه

…………………………………………………………………دمتم flow
* عذراً منكم ، فخربشات قلمي ، ربما لآتكون بمستوى ، لكن أحببت أن اعرض هذه الفكرة .. وهذا اللي قدرت اكتبه :)

بيـــان kalp.2.

Advertisements

4 thoughts on “أنــا إيجابية .. وانت ؟؟ (1)

  1. السلام عليكم و رحمه الله و بركاته
    اللهم لك الحمد و الشكر كما ينبغي لجلال وجهك و عظيم سلطانك

    اكملي فأنتي تقولين ما يدور بخلجي !

    () ~

    (=

    • وعليكم السلآم ورحمه الله وبركاته ..~
      الحمد لله عدد ماكان ، وعدد ماسيكون وعدد الحركات والسكون ..ـ

      ..بإذن المولى .. شكراً لمروركِ الـلطيف وروحكِ الطاهرة :))

ساهِم في التغيير ، أترك لي ردًا ♥

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s